Mnangagwa: Mugabe alisahau alikuwa amenifuta kazi


Mfahamu rais mpya wa Zimbabwe Emmerson Mnangagwa
Image captionBw Mnangagwa alikuwa amefutwa kazi na Mugabe
Rais wa Zimbabwe Emmerson Mnangagwa amesema mtangulizi wake Robert Mugabe alikuwa amesahau kwamba alikuwa amemfuta kazi kama makamu wake.
Amesema waliwasiliana wakati wa mzozo ambao hatimaye ulipelekea kuondolewa kwake madarakani.
Rais Mnangagwa amesema waliwasiliana kwa simu na kiongozi huyo wa miaka 93 ambaye alimwuliza ni kwa nini alikuwa nje ya nchi.
Aliigiza sauti ya Mugabe: "Emmerson. Uko wapi? 'Afrika Kusini. Unafanya nini huko? 'Ulinifuta kazi...ulinifuta kazi wiki iliyopita."
Bw Mnangagwa aliyasema hayo Alhamisi wakati wa ziara yake ya kikazi ya siku moja nchini Msumbiji, tovuti ya New Zimbabwe imeripoti.
Bw Mnangagwa amesema baadaye Bw Mugabe alimhimiza kurejea Zimbabwe, lakini alimjibu kuwa "kuna watu wanaoukuzunguka ambao wanataka kuniangamiza."
Alisema kwamba anahofia maisha yake.
Bw Mnangagwa alikuwa anahusika katika kampeni ya kujaribu kumzuia mke wa Mugabe, Grace, kumrithi kiongozi huyo mkongwe.
Alifutwa kazi na kuondoka nchini humo.
Jeshi lilichukua udhibiti wa serikali na mwishowe kumuondoa madarakani Mugabe aliyekuwa ameongoza nchi hiyo kwa miaka 37.
Bw Mnangagwa alirejea nchini humo na akaapishwa kuwa rais mnamo 24 Novemba.
0

HABARI ZILIZOSOMWA ZAIDI

MATOKEO YA KIDATO CHA PILI, DARASA LA SABA YATANGAZWA ZANZIBAR

HIVI NDIVYO BIASHARA YA NGONO NAMNA INAVYOTIKISA MOROGORO: SEHEMU YA PILI.

ZAIDI YA WANANCHI 500 KUSHIRIKI MAFUNZO YA MKIKITA YA KILIMO CHA PAPAI SALAMA

MKIKITA YATOA OFA KWA KILA HEKA YA PAPAI SH. MIL. 2 KUTANDAZA MIUNDOMBINU YA UMWAGILIAJI

WATEJA WA NSSF DAR WATIMULIWA KWA MTUTU WA BUNDUKI

DIAMOND AITWA NA NYOTA YAJAA GOMS

KAMISHNA MARIJANI AZINDUA CHAMA CHA WAFUGAJI MBWA TANZANIA (TCA)

MATOKEO YA DARASA LA SABA YATANGAZWA